საქართველოს ბიზნეს ასოციაციამ უკრაინის დასახმარებლად 100 000 ლარი გადარიცხა

2 მარ '22

საქართველოს ბიზნეს ასოციაციამ უკრაინის მხარდასაჭერად საქართველოს წითელი ჯვრის ორგანიზაციის ანგარიშზე 100 000 ლარი გადარიცხა. 

„უკრაინისთვის დღეს განსაკუთრებით მნიშვნელოვანია როგორც მორალური ასევე ფინანსური მხარდაჭერა; აქედან გამომდინარე ბიზნეს ასოციაციის აღმასრულებელმა გუნდმა ასოციაციის სამეთვალყურეო საბჭოსთან შეთანხმებით გადაწყვიტა 100 000 ლარის ოდენობით ფულადი დონაცია განეხორციელებინა. ამ გზით ვეცადეთ თანადგომა გამოგვეხატა ჩვენი უკრაინელი ძმებისა და მათი ოჯახებისადმი.

გვინდა მადლობა გადავუხადოთ მთლიანად ბიზნეს სექტორს და სხვა ყველა შემომწირველს, რომლებიც აქტიურად ჩაერთვნენ მარათონში და მნიშვნელოვანი თანხა იქნა აკუმულირებული, რაც ვფიქრობთ, გარკვეულ წვლილს შეიტანს უკრაინის დახმარებაში. ასეთ დროს განსაკუთრებით მნიშვნელოვანია გაერთიანება საერთო იდეის გარშემო და მოხარულნი ვართ, როცა ვხედავთ ბიზნესის აქტიურობას.

აქვე, საქართველოს ბიზნეს ასოციაცია ღრმა მწუხარებას გამოთქვამს საომარი მოქმედებების, სარაკეტო და საჰაერო დაბომბვებისას დაღუპული მოქალაქეების გამო და ვიმედოვნებთ, რომ ომი, რომელიც ესოდენ ზარალს და ტკივილს აყენებს მთელს მსოფლიოს, უკრაინასა და უდანაშაულო ადამიანებს, უმოკლეს დროში დასრულდება. ყოველი ჩვენგანის ვალია, ხმამაღლა დააფიქსიროს საკუთარი პოზიცია, რათა უპირობოდ და დროულად შეჩერდეს საომარი მოქმედებები და უკრაინის მოქალაქეებისთვის შეიქმნას მშვიდობიანი და უსაფრთხო გარემო “ - ნათქვამია საქართველოს ბიზნეს ასოციაციის განცხადებაში.

Enable GingerCannot connect to Ginger Check your internet connection
or reload the browserDisable in this text fieldRephraseRephrase current sentenceEdit in Ginger×