საქართველოს ბიზნეს ასოციაციის ახალი პრეზიდენტი სოსო ფხაკაძე ასოციაციის სამომავლო გეგმებზე საუბრობს
საქართველოს ბიზნეს ასოციაციის პრეზიდენტი სოსო ფხაკაძე გახდა, იგი თავის და ასოციაციის სამომავლო გეგმებზე პირველ კომენტარს “კომერსანტთან აკეთებს:
როგორია BAG-ის ახალი პრეზიდენტის პრეზიდენტის ხედვები სამომავლო გგეგმებსა და პროგნოზებზე; რა კონკრეტული ნაბიჯების გადადგმას აპირებს ბიზნესასოციაცია მისი ხელმძღვანელობის პერიოდში და რა რჩება ბიზნესის მთავარ გამოწვევად?
— მნიშვნელოვანი ინფორმაცია, რაც ბიზნესმენმა მოგვაწონდა, ეს უახლოეს მომავალში განსაზღვრული სამოქმედო გეგმის შემუშავებაა.
-ბიზნესი ყველაზე ხშირად ხელისუფლებასთან კომუნიკაციის პრობლემაზე საუბრობს, მათ შორის თავად თქვენი ასოციაციის წარმომადგენლებიც ამახვილებენ ამ პრობლემაზე ყურადღებას.
როგორია პირადად თქვენი ხედვა ამ პრობლემისადმი და რაც მთავარია, როგორ აპირებთ ამ პრობლემის მოგვარებას?
— ვერ ვიტყვი, რომ ხელისუფლებასთან არსებობს კომუნიკაციის პრობლემა. თუ ჩვენი რომელიმე წევრისთვის ამ სახის პრობლემა მაინც დგას, ჩვენ მზად ვართ დახმარება აღმოვუჩინოთ ხელისუფლების ნებისმიერ შტოსთან კომუნიკაციის დამყარებაში; ობიექტური და სამართლიანი პრობლემების წამოწევასა და შესაძლებლობის ფაგრლებში მათ გადაწყვეტაში. ასოციაციაც სწორედ იმიტომ არსებობს, რომ იყოს ეფექტური ხიდი ხელისუფლებასა და ბიზნესს შორის და ვფიქრობთ, ამ მისიას კარგად ვასრულებთ.
-ზოგადად, რა იქნება თქვენი პრიორიტეტი ბიზნესთან დაკავშირებით?
- ასოციაციის მთავარი პრიორიტეტია ზრუნვა ბიზნესის შემდგომი გაძლიერებისთვის, რამეთუ ძლიერი ბიზნესი ნიშნავს ძლიერ ეკონომიკას, ხოლო ძლიერი ეკონომიკა არის ნებისმერი ნორმალური ქვეყნის წარმატების საწინდარი. ძლიერი ეკონომიკა უდრის დასაქმებულ ადამიანებს, მსყიდველობითი უნარის მატებას და სიღარიბის დაძლევას, ზოგადად საზოგადოებრივ განვითარებას და ასე შემდეგ.
-დღევანდელი სიტუაციიდან და მიმდინარე პროცესებიდან გამოიკვეთა შემდეგი პრობლემები - ავიამიმოსვლები, ტურიზმი და ღვინო. მათ შორის „აირზენა“ არის თქვენი ასოციაციის წევრი. თამაზ გაიაშვილი წლებია, ნაციონალური ავიაკომპანიისთვის პრიორიტეტის მინიჭებას და სახელმწიფოს მხრიდან სუბსიდირებას ითხოვს. ეს თემა ახლაც აქტუალური გახდა .
-თუ მსჯელობთ ამ საკითზე და ბიზნესასოციაცია ხომ არ გახდება ერთგვარი მედიატორი კომპანიასა და ხელისუფულებას შორის? (სუბსიდირების საკითხის დაყენებას , ხომ, არ აპირებთ?)
-ჩვენ საქართველოს ბიზნეს ასოციაციის გუშინდელ ყრილობაზე მივიღეთ ერთობლივი განცხადება, სადაც აღვნიშნეთ, რომ საქართველოს ბიზნეს ასოციაციის წევრი კომპანიები აცნობიერებენ იმ მოკლევადიან ეკონომიკურ სირთულეებს, რაცშეიძლება გამოიწვიოს რუსეთის ფედერაციის ხელისუფლების ქმედებებმა.შესაბამისად, მზად ვართ, გადავდგათ ყველა საჭირო ნაბიჯი, რათა მაქსიმალურადშემსუბუქდეს ამ ქმედებების ნეგატიური ეფექტი ქართულ ეკონომიკასა და ბიზნესზე. საქართველოს ბიზნეს ასოციაციამ გამოთქვა მზადყოფნა, საქართველოს ხელისუფლებასთან და ყველა სხვა დაინტერესებულ მხარესთან მჭიდრო კომუნიკაციით შემუშავდეს ეფექტური სამოქმედო გეგმა, რითაც დარწმუნებული ვართ ჩვენი ქვეყანა დაძლევს ამ მოკლევადიან გამოწვევებს. ასოციაცია მართლაც არის მედიატორი ხელისუფლებასა და ბიზნესს შორის და ვფიქრობთ, ერთობლივი ძალებით შევძლებთ ამ მოკლევადიანი პრობლემების მშვიდობიანად და ეფექტურად დაძლევას.
-თუ მუშაობთ ტურიზმისა და ღვინის პრობლემასთან დაკავშირებით და თუ გაქვთ უკვე შემუშავებული კონკრეტული ხედვები, როგორ დაეხმაროთ ხელისუფლებას?
— საქართველოს ბიზნეს ასოციაციაში მუშაობს როგორც ტურიზმის, ასევე სოფლის მეურნეობის კომიტეტები და ამ ფორმატში მოხდება ამ საკითხების გაანალიზება და განხილვა. ვგეგმავთ კომიტეტების საქმიანობის შემდგომ გაძლიერებას.
ლინკი